Chocks: April 2023

கடிகாரக் காதல்

குறிப்பு = இந்த இடுகை, கிடைக்கும் தகவல்களின் அடிப்படையில், ஒரு அடிப்படையான கண்ணோட்டத்தையே வழங்குகிறது. இது முழுமையான பகுப்பாய்வாக கருதப்படக் கூடாது. தலைப்பை முழுமையாகப் புரிந்துகொள்ள வாசகர்கள் மேலதிக ஆதாரங்களை ஆராயும்படி பரிந்துரைக்கப்படுகிறார்கள்.

பொருளடக்கம்

முகவுரை
இயக்கங்கள்
செயல்பாடுகள்
கண்ணாடிகள்
Styles and Straps
முடிவுரை
துணுக்கு செய்திகள்
விவரணைகள்

முகவுரை

நதி போல ஓடும் நேரத்திற்கு ஒரு திசை உள்ளது; அது எப்போதும் முன்னேறிச் செல்கிறது. எதற்கும் கிடைக்காத ஒரு சிறப்புரிமை நேரத்திற்கு உண்டு. அது இப்போது மட்டுமே உண்மையாகும். இவ்வாறு முக்கியத்துவம் வாய்ந்த நேரத்தை நமக்கு கணக்கிட்டு காட்டும் சாதனம் தான் கடிகாரம்.

இக்கட்டுரையின் நோக்கம் கடிகாரங்களின் முழு வரலாற்றைப் பேசுவது அல்ல. அதற்கு பதிலாக, கடிகாரங்களின் பல்வேறு இயக்கங்கள் என்ன? அவற்றின் முக்கிய செயல்பாடுகள் என்ன? என்ற அடிப்படை கேள்விகளுக்கு எளிய விளக்கம் வழங்குவது தான். நீங்கள் கடிகாரங்கள் பற்றி அதிகம் அறியாதவராக இருந்தாலும், இத்தகைய கேள்விகள் உங்களுக்குள் எழுந்திருந்தால், இந்த சுருக்கமான அறிமுகம் உங்களுக்கு உதவும் என நம்புகிறேன்.

இயக்கங்கள்

கடிகாரத்தை வாங்கும் போது கவனிக்க வேண்டிய முக்கிய அம்சங்களில் ஒன்று அதன் இயக்கம் ஆகும். ஒரு கடிகாரத்தின் இயக்கம் கணினியின் மையச் செயற்பகுதி CPU போன்றது. பொதுவாக கடிகாரங்கள் Mechanical, Quartz அல்லது Solar ஆகிய மூன்றில் ஏதாவது ஒரு வகையான இயக்கத்தால் இயங்குகின்றன. இதில் Mechanical கடிகாரங்கள் Manual மற்றும் Automatic என்று இரண்டு வகைப்படும்.

# Manual கடிகாரம்

Manual கடிகாரங்களுக்கு மின்கலம் (Battery) தேவையில்லை. அவை செயல்பட அவ்வப்போது கைமுறுக்கு (Manual Winding) தேவைப்படுகிறது. Manual கடிகாரம் சிறிய கூறுகளின் சிக்கலான பொறிமுறை ஒருங்கிணைப்பால் இயங்குகின்றன.

# Automatic கடிகாரம்

Automatic கடிகாரங்கள் உங்கள் மணிக்கட்டின் இயக்கத்தை (Wrist Movement) பயன்படுத்தி தானாகவே இயங்குகின்றன. தானாக திருகும் பொறியமைப்பைக் கொண்டவை Automatic கடிகாரங்கள் ஆகும். மின்கலம் தேவைப்படாத இந்த வகை கடிகாரங்களுக்கு மிகக் குறைந்த பராமரிப்பு தேவைப்படுகிறது.

# Quartz கடிகாரம்

Quartz கடிகாரங்கள் மின்கல மின்னோட்டத்தில் (Battery Power) இயங்குகின்றன. பொதுவாக 2 முதல் 5 ஆண்டுகளுக்கு ஒருமுறை மின்கலத்தை மாற்ற வேண்டும்.

# Solar கடிகாரம்

Solar கடிகாரங்கள் ஒளியை ஆற்றலாக (Light as a Source of Energy) பயன்படுத்துகின்றன. ஒளியிலிருந்து பெறப்படும் ஆற்றல் மின்கலத்தில் சேமிக்கப்பட்டு கடிகாரத்தை இயக்க பயன்படுகிறது.

செயல்பாடுகள்

கடிகாரத்தை தேர்வு செய்யும் போது கவனிக்க வேண்டிய முக்கிய அம்சங்களில் ஒன்று அதன் செயல்பாடு ஆகும். பொதுவாக கடிகாரங்களில் நான்கு முக்கிய செயல்பாடுகள் காணப்படுகின்றன. அவை,

# Analogue கடிகாரம்

# Digital கடிகாரம்

# Chronograph கடிகாரம்

# Hybrid கடிகாரம்

Analogue கடிகாரம்

மணி, நிமிடம், விநாடி ஆகிய மூன்று கை அசைவுகளுடன் (Three Hand Movements) கூடிய முகப்பை கொண்டது. பொதுவாக ஐந்து நிமிட இடைவெளிகளில் (5-minute Increments) நேரத்தை காட்டும். சில கடிகாரங்களில் தேதி மற்றும் நாள் குறியீடும் இருக்கும்.

Digital கடிகாரம்

Digital கடிகாரம் நேரத்தை எண் இலக்கங்களில் (Numerical Digits) காட்டுகிறது. இது மின்சுற்றுகளை (Electronic Circuits) பயன்படுத்தி இயங்குகிறது. இதில் நகரும் பாகங்கள் இல்லை. Alarm மற்றும் GPS போன்ற கூடுதல் அம்சங்களும் இதில் காணப்படும்.

Chronograph கடிகாரம்

Chronograph கடிகாரம் என்பது நிறுத்தற்கடிகாரம் (Stopwatch) உடன் கூடிய கடிகாரம். இது துணை முகப்புகள் (Sub Dials) மூலம் நேரத்தை அளவிட உதவுகிறது. இவை பல அம்சங்களை வழங்குகின்றன.

# Moon Phase = சந்திரனின் கட்டங்களை காட்டும்.

# Stopwatch = கழிந்த நேரத்தை அளக்கும்.

# Tachymeter = நேரத்தை விகிதமாக மாற்றி கணக்கிட உதவும்.

Hybrid கடிகாரம்

Analogue மற்றும் Digital அம்சங்களை இணைத்து வழங்குவது Hybrid கடிகாரம். பாரம்பரிய Analogue தோற்றத்தையும் நவீன Digital தொழில்நுட்பத்தையும் ஒருங்கிணைக்கிறது.

கண்ணாடிகள்

நேரத்தை காட்டும் கடிகாரத்தின் முகப்பை பாதுகாக்க, கடிகாரங்களில் கண்ணாடி பொருத்தப்படுகிறது. வெவ்வேறு கடிகாரங்களில் வெவ்வேறு வகையான கண்ணாடி பொருட்கள் பயன்படுத்தப்படுகின்றன. கடிகாரத்தின் தயாரிப்பைப் பொறுத்து, கண்ணாடி தட்டையாக (Flat) அல்லது குவிமாட வடிவில் (Domed) இருக்கலாம்.

மேலும், ஒவ்வொரு கண்ணாடி பொருளும் சற்று வித்தியாசமான பண்புகளை கொண்டுள்ளன. அவை குறிப்பிட்ட சூழ்நிலைகள் மற்றும் செயல்பாடுகளுக்கு ஏற்றதாக அமைகின்றன. பொதுவாக நான்கு வகையான கடிகார கண்ணாடிகள் உள்ளன. அவை,

# Acrylic Crystal

# Mineral Crystal

# K1 Crystal

# Sapphire Crystal

Acrylic Crystal

Mineral Crystal

Sapphire Crystal

Styles and Straps

Aviator, Military, Racing, Diving, Field, Sport, Dress, Fashion, Fitness போன்றவற்றை அடிப்படையாக கொண்டு பல்வேறு Styles உள்ளன. பொதுவாக வாடிக்கையாளர்களின் விருப்பத் தேர்வாக Dress, Diving, Fashion, Sport மற்றும் Fitness Styles உள்ளன.

Metal, Leather, Rubber, Silicone, Nylon, Canvas, NATO, Bund போன்றவற்றை அடிப்படையாக கொண்டு பல்வேறு Straps உள்ளன. Straps பொதுவாக Integrated (Non-detachable) அல்லது Detachable வகைகளாக இருக்கும். பொதுவாக வாடிக்கையாளர்களின் விருப்பத் தேர்வாக Metal Bracelets மற்றும் Leather Straps உள்ளன. Oyster Bracelet, Jubilee Bracelet, Mesh Bracelet, Engineer Bracelet என்று பல Metal Bracelets உள்ளன மற்றும் Casual Leather, Dress Leather, Rally Leather, Bund Leather என்று பல Leather Straps உள்ளன.

ஒரு கடிகாரத்தை தேர்வு செய்யும் போது, அதன் இயக்கம், செயல்பாடு, கண்ணாடி, Styles, Straps மட்டுமல்லாமல் கடிகாரத்தின் முட்கள் (Hands), குறியீடுகள் (Indices), வடிவங்கள் (Shapes) மற்றும் முகப்பு நிறங்கள் (Dial) கூட பலதரப்பட்ட வடிவமைப்புகளில் கிடைக்கின்றன.

முடிவுரை

"கடிகார கடைக்கு சென்றோம், பணத்தை கொடுத்தோம், கடிகாரத்தை வாங்கி வந்தோம்" என்றில்லாமல் நீங்கள் உங்களுக்கான ஆடையை தேர்வு செய்வது போல ஒரு கடிகாரத்தையும் தேர்வு செய்ய வேண்டும். அதாவது, கடிகாரத்தின் தர அடையாளம் (Brand), செயல்பாடு (Function), கண்ணாடி (Glass Material), பட்டை (Straps), ஒளிர்வு (Luminosity) உட்பட பலவற்றை எண்ணி பார்த்து வாங்க பழகுங்கள்.

காலம் பொன்னானது. அந்த பொன்னான காலத்தை அளவிடுவது நேரம்; அந்த நேரத்தை காட்டுவது கடிகாரம். கடிகாரம் வெறும் நேரம் காட்டும் கருவி மட்டுமல்ல, அது உங்கள் தனித்துவத்தின் அமைதியான வெளிப்பாடு. அப்பேற்பட்ட கடிகாரத்தை நீங்கள் உன்னிப்பாக தேர்வு செய்ய வேண்டி இந்த இடுகையை முடிக்கிறேன்.

துணுக்கு செய்திகள்

# 25 டிசம்பர் 1969 அன்று Quartz Astron 35SQ என்ற பெயரில் உலகின் முதல் Quartz கடிகாரத்தை அறிமுகம் செய்து உலகளாவிய கடிகார சந்தையை பெருமளவில் மாற்றியது ஜப்பானின் Seiko நிறுவனம்.

# கடிகார சந்தையைப் பொறுத்தமட்டில், சில தேர்ந்தெடுக்கப்பட்ட ஜப்பான் (Seiko, Citizen, Orient, Casio) மற்றும் சுவிஸ் (Rolex, Omega, Rado, Longines போன்ற) கடிகாரங்களின் உயர்நிலை (Higher-end) தயாரிப்புகளுக்கு மறுவிற்பனை (Resale) மதிப்பு உள்ளது.

# சர்வதேச தரம், பல்வேறு ரகங்கள் மற்றும் தொடக்க விலை ஆகியவற்றை எதிர்பார்த்தால், ஜப்பான் தயாரிப்பில் Seiko, சுவிஸ் தயாரிப்பில் Tissot, ஜெர்மன் தயாரிப்பில் Zeppelin அல்லது அமெரிக்க தயாரிப்பில் Timex ஆகியவற்றை தேர்வு செய்யலாம்.

# ETA (Swiss), Sellita (Swiss), Soprod (Swiss), STP (Swiss), Ronda (Swiss), Miyota (Japan), Seiko (Japan) மற்றும் Seagull (China) ஆகியவை முக்கியமான Watch Movements உற்பத்தியாளர்கள் ஆவர். பல கடிகார நிறுவனங்கள் பொதுவாக சுவிஸ் அல்லது ஜப்பான் Watch Movements உற்பத்தியாளர்களிடமிருந்து தங்களுக்கான இயக்கங்களை வாங்குகின்றன.

# கடைகளில் விற்கப்படும் கடிகாரங்கள் 10:10 மணி என அமைக்கப்படுவதற்கான காரணம், அவை புன்னகைப்பது போல நேர்மறை விளைவை (Positive Effect) அளிப்பதுடன், "V" வடிவம் Victory என்பதை வெளிப்படுத்துவது போலவும் இருக்கும். மேலும், 3:00 மணிக்கு அருகிலுள்ள தேதி/நாள், 12:00 மணிக்கு கீழே உள்ள Logo, 6:00 மணிக்கு மேல் உள்ள Watch Details போன்ற தகவல்களை மறைக்காமலும் இருக்கும்.

# 1961 ஆம் ஆண்டு ஜப்பானின் Citizen நிறுவனத்துடன் இணைந்து HMT (Hindustan Machine Tools) நிறுவனத்தை இந்தியாவில் அமைப்பதில் நேரு முக்கிய பங்காற்றினார். 1960, 1970, 1980 களில் HMT நிறுவனத்திற்கு இருந்த Stardom இன்றைய Titan நிறுவனம் கூட பெற்றிருக்கவில்லை எனச் சொன்னால் அது மிகையாகாது.

# 1984 ஆம் ஆண்டு தமிழ்நாடு தொழில் வளர்ச்சிக் கழகம் (Tamil Nadu Industrial Development Corporation - TIDCO) மற்றும் டாடா குழுமத்தின் கூட்டு முதலீட்டில் Titan கடிகார நிறுவனம் தொடங்கப்பட்டது.

# Ethos, Kapoor, Johnson, Zimson, Kamal, Khimani, Helvetica, Helios ஆகியவை இந்தியாவின் பிரபல கடிகார விற்பனையாளர்கள் ஆவர்.

# கடிகாரங்களை உருவாக்கும் கலை அல்லது நேரத்தை அளவிடுவதற்கான ஆய்வு குறித்த படிப்பு Horology எனப்படும்.

# உலகளவில் Smart Watches தயாரிப்பை ஒரு கடிகாரமாக Watch Community ஏற்றுக்கொள்ளவில்லை. எனக்கும் Smart Watches மீது ஆர்வம் இல்லை; அதனால் அதை பற்றி எழுதவில்லை.