Chocks: இணைந்த கைகள் திரைப்படம் 1990

இணைந்த கைகள் திரைப்படம் 1990

குறிப்பு = இந்தக் கட்டுரை, கிடைக்கும் தகவல்களின் அடிப்படையில், ஒரு அடிப்படையான கண்ணோட்டத்தையே வழங்குகிறது. இது முழுமையான பகுப்பாய்வாக கருதப்படக் கூடாது. தலைப்பை முழுமையாகப் புரிந்துகொள்ள வாசகர்கள் மேலதிக ஆதாரங்களை ஆராயும்படி பரிந்துரைக்கப்படுகிறார்கள்.

*தமிழ் திரையுலகில் பிரமாண்டம் என்பதற்கு இணைந்த கைகள் திரைப்படம் ஒரு முன்னோடி என்றால் மிகையல்ல.

*மேலும் இந்தியாவிலே திரைப்படங்களை பிரமாண்டமாக இயக்க இயலும் என்று பறைசாற்றிய திரைப்படம்.

*இரண்டு கதாநாயகர்கள் கதைக்கு ஹிந்தியில் Sholay திரைப்படம் ஒரு Trendsetter ஆனது போல தமிழில் இணைந்த கைகள் திரைப்படம் ஒரு Trendsetter.

*இந்தியாவில் வெளியிடப்படும் அதே நாளில் வெளிநாடுகளிலும் வெளியிடும் நடைமுறையை அறிமுகம் செய்த திரைப்படம்.

*இத்திரைப்படத்தில் சிறைச்சாலை காட்சி, இடைவேளை காட்சி அற்புதமாக அமைந்திருந்தது.

*ஆபாவாணனின் ஊமை விழிகள், செந்தூர பூவே, உழவன் மகன் திரைப்படங்களின் வெற்றி ஏற்படுத்திய பரபரப்பில் இத்திரைப்படம் வெளியானது.

*ஒரு திரை அரங்கில் டிக்கெட்டிற்கு தள்ளுமுள்ளு ஏற்பட்டு இருவர் இறந்ததாக கூட தகவல் உள்ளது.

*இத்திரைப்படத்தை இயக்கியது பிரபல ஒளிப்பதிவாளர் N.K.விஸ்வநாதன் ஆவார்.

*நடிகர் கமல்ஹாசனின் நெருங்கிய நண்பராக அறியப்படும் N.K.விஸ்வநாதன் ஒளிப்பதிவாளராக அறிமுகமான முதல் திரைப்படம் நடிகர் கமல்ஹாசனின் சட்டம் என் கையில் திரைப்படமாகும்.

*இன்றைய பிரபல ஒளிப்பதிவாளர் ஆர்தர் வில்சன் இணைந்த கைகள் திரைப்படத்தில் உதவி ஒளிப்பதிவாளராக வேலை செய்துள்ளார்.

*1990களில் Video Cassette புழக்கத்தில் இருந்த காலத்தில் இத்திரைப்பட Video Cassette விற்பனை படுஜோராக இருந்தது.

*S.P.B மற்றும் ஜெயச்சந்திரன் இணைந்து பாடிய இரு தமிழ் பாடல்களில் ஒன்றாக இப்படத்தில் இடம் பெற்ற "அந்தி நேர தென்றல் காற்று" பாடல் மிக பிரபலம்.

*80s மற்றும் 90s கிட்ஸ்க்கு செம ஜாலியான திரைப்படமாக (Nostalgia) அமைந்தது.

*தமிழ்நாட்டில் 150 நாட்கள், மும்பையில் 80 நாட்கள் ஓடிய திரைப்படம்.

*இத்திரைப்படத்தின் கருவை கொண்டு இன்றைக்கு விஜய் - அஜித் சேர்ந்து நடித்தால் அது நிச்சயம் வெற்றிப்படமாக அமையக்கூடும்.

*இத்திரைப்படத்தை தோல்விப்படம் என்று சிலர் சொல்வதுண்டு ஆனால் உண்மையில் வசூல் மற்றும் விமர்சனம் ரீதியாக இணைந்த கைகள் நல்ல வெற்றி திரைப்படம் தான்.