அமெரிக்க வெளியுறவு கொள்கை
சுருக்கம்
- மன்றோ கொள்கை
- ரூஸ்வெல்ட் இணை
- ஐசனோவர் கொள்கை
- போர்களின் மன்னன்
- முடிவுரை
- குறிப்பு
மன்றோ கொள்கை
*2 டிசம்பர் 1823 இல் அமெரிக்க அதிபர் ஜேம்ஸ் மன்றோ அவர்கள் "மன்றோ கொள்கை" என அழைக்கப்படும் ஒரு கொள்கையை அறிவித்தார்.
*மன்றோ கொள்கை என்றால் "அமெரிக்கக் கண்டத்தின் உள் விவகாரங்களில் ஐரோப்பா தலையிடுதல் கூடாது மற்றும் அமெரிக்கக் கண்டத்தில் உள்ள நாடுகளைக் காலனிகளாக்க மேற்கத்திய நாடுகள் முயற்சித்தல் கூடாது" என்பதாகும்.
*அமெரிக்க நாடுகளின் உள் விவகாரங்களில் தடையின்றித் தலையிட அமெரிக்காவுக்கு அடிகோலியது மன்றோ கொள்கை.
ரூஸ்வெல்ட் இணை
*6 டிசம்பர் 1904 இல் அமெரிக்கா அதிபர் தியோடர் ரூஸ்வெல்ட் அவர்கள் "ரூஸ்வெல்ட் இணை" என்ற புதிய கொள்கையை மன்றோ கொள்கையுடன் இணைத்தார்.
*ரூஸ்வெல்ட் இணை என்றால் "அமெரிக்கக் கண்டம் ஐரோப்பிய காலனிக்குத் திறந்திருக்காது என்பதோடு அமெரிக்கக் கண்டத்தில் உள்ள நாடுகளில் சட்டம் ஒழுங்கு, பொருளாதாரம், உயிர்கள், வளங்கள் ஆகியவற்றை பாதுகாக்கும் பொறுப்பு அமெரிக்காவிற்கு மட்டுமே உள்ளது" என்பதாகும்.
ஐசனோவர் கொள்கை
*5 ஜனவரி 1957 இல் அமெரிக்க அதிபர் ட்வைட் ஐசனோவர் அவர்கள் "ஐசனோவர் கொள்கை" என அழைக்கப்படும் ஒரு கொள்கையை அறிவித்தார்.
*ஐசனோவர் கொள்கை என்றால் "அந்நிய நாட்டிலிருந்து இன்னொரு நாட்டை ஆயுதமேந்தி ஆக்கிரமிப்பு செய்தால் பாதிப்படையும் நாடு தமது பிராந்திய ஒருமைப்பாடு மற்றும் அரசியல் சுதந்திரத்தைப் பாதுகாப்பதற்கு வெளிப்படையான ஆயுத ஆக்கிரமிப்புகளுக்கு எதிராக போராட அமெரிக்காவை உதவிக்கு அழைக்கலாம்" என்பதாகும்.
*ஆரம்பகால பனிப்போர் நேரத்தில் உருவாக்கப்பட்ட ஐசனோவர் கொள்கை என்பது சோவியத்தின் கம்யூனிச கொள்கையை எதிர்த்து போராட அடிகோலியது.
போர்களின் மன்னன்
*இரண்டாம் உலகப் போருக்குப் பிறகு 1990 வரை அமெரிக்காவுக்கும் சோவியத் ஒன்றியத்துக்கும் இடையே நடந்தது பனிப்போர் (இராணுவம், தொழில்நுட்பம், விண்வெளி போட்டி)
*இறுதியில் 1991 இல் சோவியத் ஒன்றியம் தனி தனி நாடுகளாக உடைந்து பனிப்போர் முடிவடைந்தது.
*இரண்டாம் உலகப் போர் முடியும் வரை பிலிப்பைன்ஸ் (1898-1946) தவிர உலகின் மற்ற நாடுகளின் உள் விவகாரங்களில் அமெரிக்கா தலையிடவில்லை.
*இரண்டாம் உலகப் போருக்குப் பிறகு கொரியா, வியட்நாம், இராக், ஆப்கானிஸ்தான், பனிப்போர் என 2016 வரை 248 போர்கள் நடந்துள்ளது.
*248 போர்களில் 201 போர்களில் நேரடியாக / மறைமுகமா அமெரிக்கா தலையிட்டு சுமார் 3 கோடி மக்கள் இப்போர்களில் இறந்திருக்கிறார்கள் என்று கூறப்படுகிறது.
முடிவுரை
*போர்களின் மன்னன் "அமெரிக்கா" அதற்கு காரணமாக அமைந்தது அமெரிக்காவின் மூன்று முக்கிய வெளியுறவு கொள்கைகளாக கருதப்படும் "மன்றோ கொள்கை - ரூஸ்வெல்ட் இணை - ஐசனோவர் கொள்கை" ஆகும்.
குறிப்பு
Roosevelt And Monroe Doctrine
Eisenhower Doctrine
வாசித்தமைக்கு நன்றி.
வணக்கம்.
No comments:
Post a Comment