Chocks: அமெரிக்காவும் இந்தியாவும் சுயாட்சியும்

அமெரிக்காவும் இந்தியாவும் சுயாட்சியும்

அமெரிக்க அரசியலமைப்பு 👇

# பிரிட்டன் ஆட்சியிலிருந்து விடுதலை பெற 13 காலனிகளும் ஒருங்கிணைந்து காங்கிரஸ் பேரவையை (Continental Congress) தொடங்கி, மக்கள் நலனும் விடுதலை நலனும் கருதி திட்டங்களை வகுத்து வந்தனர்.

# பல்வேறு தொடர் போராட்டங்கள் மூலம் 1776 இல் 13 காலனிகளும் விடுதலை அடைந்தனர்.

# பிறகு, மக்கள் நலத்திட்டங்களை செயலாற்ற 13 காலனிகளும் கூட்டமைப்பாக இணைந்து கூட்டமைப்பு சட்டத்தை (Articles of Confederation) இயற்றினர்.

# இங்கே காங்கிரஸ் பேரவை (Continental Congress) கூட்டமைப்பு காங்கிரஸ் (Congress of the Confederation) என்றானது.

# 13 காலனிகளின் கூட்டமைப்பில் "வலுவான மத்திய அதிகாரம்" இல்லாததால், நலத்திட்டங்களைச் செயல்படுத்துவதிலும், கூட்டுப் பிரச்சினைகளைத் தீர்ப்பதிலும் பொருளாதார சுமை உள்ளிட்ட குறிப்பிடத்தக்க சவால்களை உருவாக்கியது.

# இதை கருத்தில் கொண்டு, கூட்டமைப்பு சட்டத்தை கைவிட்டு 1787 இல் உலகின் முதல் நவீன அரசியலமைப்பு சட்டமான அமெரிக்க அரசியலமைப்பு (Constitution of the United States) உருவாக்கப்பட்டது.

# இங்கே கூட்டமைப்பு காங்கிரஸ் (Congress of the Confederation) அமெரிக்க காங்கிரஸ் (United States Congress) ஆக மாறியது.

# அமெரிக்க காங்கிரஸில் மாநில பிரதிநிதிகள் (Lower House = House of Representatives / Upper House = Senate) தங்களது மாநில கோரிக்கைகளை எடுத்துரைப்பர்.

# அமெரிக்க அரசியலமைப்பு வழியாக Legislative (Congress), Executive (President), Judicial (Supreme Court) என்ற கூட்டாட்சி அரசாங்கம் உருவாக்கப்பட்டு, அதிபருக்கு உச்சபட்ச அதிகாரம் வழங்கப்பட்டது.

# அதே சமயம், அதிபர் மாநில அரசின் முடிவுகளில் தலையீடாமலும், மாநில அரசுகள் அதிபரின் முடிவுகளில் தலையீடாமலும் இருக்கும் வகையில் மாற்றமில்லாமல் "மத்தியிலே கூட்டாட்சி, மாநிலத்திலே சுயாட்சி" என்ற கொள்கை கடைப்பிடிப்பது உறுதி செய்யப்பட்டது

# இருப்பினும், சில நேரங்களில் மாநிலங்களின் கோரிக்கையை மீறி, அதிபர் சில காரியங்களை சாதித்துக் கொள்ள இயலும்; எடுத்துக்காட்டாக, Obama Healthcare.

# மொத்தத்தில், அமெரிக்க அரசியலமைப்பு சட்டத்தின் பாணியை பின்பற்றி, பல்வேறு நாடுகள் தங்கள் அரசியலமைப்புகளை உருவாக்கியுள்ளன.

இந்திய அரசியலமைப்பு 👇

முகலாயர்கள் பாதையில் இந்தியா

# இந்தியா, வரலாற்றில் ஒரே நாடாக இருந்ததில்லை. ஆனால் 16 ஆம் நூற்றாண்டில் முகலாயர்கள் தங்களது நிர்வாக வசதிக்காக இந்தியாவின் பல்வேறு பகுதிகளை ஒற்றை நிர்வாகத்தின் கீழ் (மத்திய அரசு) இணைத்தனர்.

# மாகாணங்களில் (மாநிலங்களில்) சுபேதார் (கவர்னர்) முகலாயரின் ஏஜென்ட்டாக செயல்பட்டார்.

# முகலாயர்கள் ஆட்சிக்குப் பிறகு, அதன் தொடர்ச்சியாக பிரிட்டிஷ் அரசும் அதிகார குவியலால் "மத்திய அரசு" அமைப்பை விரும்பி செயல்படுத்தியது.

# பிரிட்டிஷ் அரசு தங்களது காலனிய ஆட்சியை வலுவாக்குவதற்காக பிரித்தாளும் சூழ்ச்சியை (Divide & Rule Policy) கையாண்டு, பெரியண்ணன் பாணியில் "மத்திய அரசு" என்ற ஒற்றை போக்கை கடுமையாக அமல்படுத்தியது.

# காங்கிரஸ் மற்றும் பா.ஜ.க அரசுகள் முகலாயர்கள் மற்றும் பிரிட்டிஷர்கள் கடைப்பிடித்த முறைகளை மாறி மாறி பின்பற்றி வருகின்றன.

இந்திய அரசியலமைப்பு நிர்ணய மன்றம்

# 1946 இல் இந்தியாவுக்கு சுதந்திரம் வழங்குவது மற்றும் பிரிட்டிஷ் அரசாங்க அதிகாரங்களை இந்தியத் தலைமைக்கு மாற்றுவது குறித்த விவாதம் நடத்துவதற்காக மூன்று பிரதிநிதிகளை கொண்ட அமைச்சரவை தூதுக்குழு (Cabinet Mission Plan) இங்கிலாந்து பிரதமர் கிளமெண்ட் அட்லீயின் முன்முயற்சியில் வடிவமைக்கப்பட்டது.

# அமைச்சரவை தூதுக்குழு (Cabinet Mission Plan) பரிந்துரைகளின் பேரில், 1946 இல் இந்திய அரசியலமைப்பு நிர்ணய மன்றம் (Constituent Assembly of India) இந்திய அரசியலமைப்பை உருவாக்க அமைக்கப்பட்டது.

# 1946 இல் இந்திய அரசியலமைப்பு நிர்ணய மன்றத்தின் 296 உறுப்பினர்கள் (சுதேச மாநிலங்களிலிருந்து 93 உறுப்பினர்கள்) மாகாண சட்டமன்றங்களால் தேர்ந்தெடுக்கப்பட்டனர். (Constituent Assembly of India were elected by the Provincial Legislative Assemblies in 1946).

# 2 செப்டம்பர் 1946 அன்று, இந்திய அரசியலமைப்பு நிர்ணய மன்றத்திலிருந்து இடைக்கால இந்திய அரசு (Interim Government of India) நிறுவப்பட்டது. இது பிரிட்டிஷ் இந்தியாவை சுதந்திர இந்தியாவாக (Transition of British India to Independent India) மாற்றுவதற்கான பணியைக் கொண்டிருந்தது.

# 9 டிசம்பர் 1946 அன்று புதுதில்லியில் இந்திய அரசியலமைப்பு நிர்ணய மன்றத்தின் முதல் கூட்டம் நடைபெற்றது.

# டாக்டர் சச்சிதானந்த் அவையை இடைக்கால ஜனாதிபதியாக தேர்ந்தெடுக்கப்பட்டு, பின்னர் 11 டிசம்பர் 1946 அன்று, டாக்டர் ராஜேந்திர பிரசாத் ஜனாதிபதியாகவும், எச்.சி. முகர்ஜி துணை ஜனாதிபதியாகவும் தேர்ந்தெடுக்கப்பட்டனர்.

# இந்திய அரசியலமைப்பு நிர்ணய மன்றம் எட்டு முக்கிய குழுக்களை நியமித்தது; அதில் மிக முக்கியமானது வரைவுக் குழு (Drafting Committee).

# 29 ஆகஸ்ட் 1947 அன்று, இந்திய அரசியலமைப்பு நிர்ணய மன்றம், இந்தியாவுக்கான வரைவு அரசியலமைப்பை (Draft Constitution for India) தயாரிக்க, டாக்டர் பி.ஆர். அம்பேத்கர் தலைமையில் ஒரு வரைவுக் குழுவை (Drafting Committee) அமைத்தது.

# இந்திய அரசு சட்டம் 1935 (Government of India Act 1935) க்கு மாற்றாக, புதிய இந்திய அரசியலமைப்பு (Constitution of India) 26 நவம்பர் 1949 அன்று, இந்திய அரசியலமைப்பு நிர்ணய மன்றத்தால் நாட்டின் அடிப்படை சட்ட நிர்வாக ஆவணமாக ஏற்றுக்கொள்ளப்பட்டது; இதன் மூலம், டொமினியன் இந்தியா, குடியரசு இந்தியாவாக மாறியது.

# குடியரசு தினமாக கொண்டாடப்படும் 26 ஜனவரி 1950 அன்று, இந்திய அரசியலமைப்பு (Constitution of India) நடைமுறைக்கு வந்தது.

# 1952 இல் முதல் நாடாளுமன்ற தேர்தல் மூலம் புதிய நாடாளுமன்றம் அமைக்கப்படும் வரை, இந்திய அரசியலமைப்பு நிர்ணய மன்றமே இந்தியாவின் தற்காலிக நாடாளுமன்றமாக இருந்தது (Constituent Assembly of India was the provisional Parliament of India until a new Parliament was constituted by the first parliamentary elections in 1952).

இந்திய மாநில சுயாட்சி

# 1930 - 1940 களில் இந்திய அரசியலமைப்பு சட்டத்தில் "ஒன்றியம்" (Union) என்ற சொல்லை காட்டிலும் "கூட்டமைப்பு" (Federation) என்ற சொல்லை பயன்படுத்த வேண்டுமென மாநிலங்கள் முன்வைத்த கோரிக்கை ஈடேறவில்லை.

# இந்து - முஸ்லீம் மக்களின் தூதுவராக முஸ்லீம் லீக் சார்பில் செயல்பட்ட ஜின்னா, 1937 வரையில் மாநில சுயாட்சி, இட ஒதுக்கீடு மற்றும் சிறுபான்மைக்குரிய சிறப்புப் பிரதிநிதித்துவம் போன்ற கொள்கைகளைப் பற்றியே பேசி வந்தார்.

# ஆனால், முஸ்லிம்கள் அதிக எண்ணிக்கையில் வாழும் இடங்களில் மாநில சுயாட்சி உரிமை தரக்கூடாது என்று வாதிட்டனர் இந்துத்துவாதிகள்.

# ஒரு கட்டத்தில் பார்ப்பன இந்துத்துவாதிகள் மேற்கொண்ட சமநிலை அற்ற அரசியல் போக்கினால் மனம் கொதித்து, ஜின்னா பாகிஸ்தான் நாடு மற்றும் பெரியார் திராவிட நாடு கேட்டு கோரிக்கைகளை வைத்தனர்.

# தனி நாடு கோரிக்கை குறித்து ஜின்னாவும் பெரியாரும் சந்தித்து பேசியது குறிப்பிடத்தக்கது.

# இதற்கிடையில், அமைச்சரவை தூதுக்குழு (Cabinet Mission Plan) முன்வைத்த திட்டங்களுக்கு ஜின்னாவின் முஸ்லீம் லீக் மற்றும் நேருவின் காங்கிரஸ் ஆரம்பத்தில் ஒப்புதல் அளித்தது.

# பின்னர், மதத்தின் அடிப்படையில் மாகாணங்களை குழுப்படுத்தும் யோசனையை மட்டும் காங்கிரஸ் நிராகரித்தது.

# மதத்தின் அடிப்படையில் மாகாணங்கள் பிரிக்கப்படாவிட்டால், அது இந்து மதத்தின் செல்வாக்கிற்கு வழிவகுக்கும் என்று கருதிய ஜின்னாவின் முஸ்லீம் லீக், தமது ஒப்புதலை வாபஸ் வாங்கியது.

# இதற்குப் பிறகு, "பாகிஸ்தான்" என்ற தனி நாடு கோரிக்கையை விடுதலைக்கான ஒரே வழியாகக் கருதி, 16 ஆகஸ்ட் 1946 இல் ஜின்னாவின் நேரடி நடவடிக்கை நாள் (Direct Action Day) அமைந்தது.

# பலகட்ட போராட்டங்களுக்கும், பலர் உயிரிழந்த சம்பவங்களுக்கும் பிறகு, 14 ஆகஸ்ட் 1947 இல் பாகிஸ்தான் தனித் நாடாக உருவாகியது.

# 1963 இல் "பிரிவினைவாதம் சட்டவிரோதமானது" என்று நேரு சட்டம் இயற்ற, "திராவிட நாடு கோரிக்கை கைவிடப்பட்ட போதிலும், அதன் காரணங்கள் அப்படியே தான் இருக்கின்றன" என்றார் அண்ணா.

# ஒரு வேளை பாகிஸ்தான் நம்மோடு இருந்திருந்தால், இந்திய அரசியலமைப்பின் சட்ட முகவரி மாறியிருக்கலாம்; இந்துத்துவாதிகள் வலுவிழந்திருக்கலாம்; மாநிலங்களும் சுயாட்சி பெற்றிருக்கலாம்.

இன்றைய நிலை

# திராவிட நாடு கோரிக்கை வலுவிழந்த பின்னர் "மத்தியிலே கூட்டாட்சி மாநிலத்திலே சுயாட்சி" என்ற முழக்கத்தை தி.மு.க இன்று வரை மிக தீவிரமாக பேசி வருகிறது.

# அண்ணாயிசம் பேசிய எம்.ஜி.ஆரின் அ.தி.மு.க ஆட்சிக்கு வந்த பிறகு, மாநில சுயாட்சி முழக்கத்தை கண்டும் காணாமலும் விட்டது.

# பின்னர் ஜெயலலிதா "நானே பிரதமர்! நானே முதல்வர்!" என்ற பாணியிலும், எடப்பாடி "நானே அடிமை! எனக்கேது உரிமை!" என்ற பாணியிலும் ஆட்சி செய்தனர்.

# மொத்தத்தில், தி.மு.கவின் மாநில சுயாட்சி கொள்கைகளை அ.தி.மு.க குழிதோண்டி புதைத்தது.

ரத்தின சுருக்கமாக

# அமெரிக்க மாநிலங்கள் இணைந்து மத்திய அரசை உருவாக்கி, "இயன்றவரை" மாநில சுயாட்சியை உறுதி செய்தது (Federation = கூட்டாட்சி)."

# இந்திய மத்திய அரசு மாநிலங்களை உருவாக்கி, "இயன்றவரை" மாநில சுயாட்சியை குறைத்தது (Unitary = ஒற்றையாட்சி).

பின் குறிப்பு (Article 32, 131, 226)

Article 32 பிரிவின் கீழ், உச்ச நீதிமன்றத்தில் இந்திய மத்திய மற்றும் மாநில அரசுகளை எதிர்த்து, பொதுமக்கள் தங்களின் அடிப்படை உரிமைகள் தொடர்பாக வழக்குகளை தொடுக்கலாம். Article 32 இந்திய உச்ச நீதிமன்றத்திற்கு அடிப்படை உரிமைகளைப் பாதுகாக்கும் அசல் (Original) அதிகாரத்தை அளிக்கிறது, ஆனால் இது தனித்துவமான (Exclusive) அதிகாரமல்ல. அதற்கு காரணம், Article 226 பிரிவின் கீழ், உயர் நீதிமன்றங்கள் மாநில அளவிலான உரிமைகளைப் பாதுகாக்கும் அதிகாரம் பெற்றுள்ளன. எனவே, இரு நீதிமன்றங்களும் அடிப்படை உரிமைகளை பாதுகாக்கும் முறைகளை வழங்குகின்றன, ஆனால் அவை வேறு வேறு நிலைகளில் செயல்படுகின்றன.

மத்திய அரசுக்கும் மாநில அரசுக்கும் இடையிலான அல்லது மாநில அரசுகளுக்கிடையிலான வழக்குகளை தொடுக்க மாநில அரசுகள் Article 131 பிரிவை பயன்படுத்தலாம். இது உச்ச நீதிமன்றத்திற்கு அசல் (Original) மற்றும் பிரத்தியேக (Exclusive) அதிகார வரம்புகளை வழங்குகிறது. இதன் மூலம், அரசுகளுக்கு இடையில் எழும் மோதல்களில் உச்ச நீதிமன்றம் நேரடியாக தலையிட்டு நடவடிக்கை எடுக்க முடியும்.

Article 131 மூலம் முதன்முதலாக 1962 இல் மத்திய காங்கிரஸ் அரசுக்கு எதிராக கையகப்படுத்தல் சட்டம் தொடர்பாக வழக்கு தொடுத்தது மேற்கு வங்க காங்கிரஸ் அரசு. 2020 இல் மத்திய பா.ஜ.க அரசின் குடியுரிமை திருத்த சட்டத்திற்கு எதிராக வழக்கு தொடுத்தது கேரளா கம்யூனிஸ்ட் அரசு.

Original = மேல்முறையீடாக இல்லாமல் ஒரு வழக்கை ஒரு நீதிமன்றம் முதன்முறையாக விசாரிக்கிறது.

Exclusive = குறிப்பிட்ட வகை வழக்குகளை விசாரிக்க அந்த நீதிமன்றத்திற்கு மட்டும் உரிமை உண்டு.