கணினியியல் நிபுணர் அலன் டூரிங்
சுருக்கம்
- பிறப்பு
- கிறிஸ்டோபர் மோர்காம்
- ஜோன் கிளார்க்
- இரண்டாம் உலகப்போர்
- டூரிங் சோதனை
- செயற்கை நுண்ணறிவு
- நீதிமன்ற தண்டனை
- இறப்பு
- முடிவுரை
- விவரணைகள்
பிறப்பு (Birth)
23 ஜூன் 1912 அன்று இங்கிலாந்தில் ஜூலியஸ் மதிசன் டூரிங் மற்றும் எத்தேல் சாரா ஸ்டோனி ஆகியோருக்கு இளைய மகனாக அலன் டூரிங் பிறந்தார். அலன் டூரிங்கின் மூத்த சகோதரர் ஜான் டூரிங் ஆவார்.
கிறிஸ்டோபர் மோர்காம் (Christopher Morcom)
அலன் டூரிங்கின் கணிதவியல் (Mathematics), குறியாக்கவியல் (Cryptography), கணினியியல் (Computer) ஆர்வத்திற்கு தூண்டுகோலாக அமைந்தவர் அவருடைய பள்ளிக்கால தோழர் கிறிஸ்டோபர் மோர்காம் கிறிஸ்டோபர் மோர்காம் 13 பிப்ரவரி 1930 அன்று காசநோயால் இறந்ததை அறிந்து துடிதுடித்து போனார் அலன் டூரிங்.
ஜோன் கிளார்க் (Joan Clarke)
அலன் டூரிங் மற்றும் ஜோன் கிளார்க் ஆகிய இருவருக்கும் 1941 அன்று திருமண நிச்சயதார்த்தம் நடைபெற்றது பின்னர் தான் ஒரு ஓரினச்சேர்க்கையாளர் என்ற விருப்பத்தை வெளிப்படுத்தி நடக்க இருந்த திருமணத்தை தடுத்தவர் அலன் டூரிங். இத்தகைய சூழலில் அலன் டூரிங்கின் இறுதிக்காலம் வரை நெருங்கிய தோழியாக இருந்தவர் ஜோன் கிளார்க்.
இரண்டாம் உலகப்போர் (Second World War)
இரண்டாம் உலகப்போரில் எனிக்மா இயந்திரம் (Enigma Machine) மூலம் ஜெர்மனி போர் திட்டங்களை வகுத்து வந்தது. ஜெர்மனியின் போர்த்திட்டங்களை முன்கூட்டியே அறிந்திட எனிக்மா இயந்திரத்தின் செய்திகளை படித்தறியும் தேவை இங்கிலாந்துக்கு இருந்தது. இங்கிலாந்துக்காக ஜெர்மனியின் எனிக்மா இயந்திரத்தின் ரகசிய செய்திகளை தனது பாம்பே இயந்திரம் (Bombe Mahine) மூலம் மறைவிலக்கி (Decrypt) முறியடித்தார் லண்டனை சேர்ந்த கணிதவியலாளர் அலன் டூரிங்.
இரண்டாம் உலகப்போரில் ஜெர்மனி தோற்க "முக்கிய காரணம்" என்று சொல்வதைவிட "ஒரே காரணம்" அலன் டூரிங் தான். அலன் டூரிங் மேற்கொண்ட அறிவியல் ஆராய்ச்சி மூலம் எனிக்மா இயந்திரத்தை மறைவிலக்கி ஜெர்மனியின் போர்த்திட்டங்களை முன்கூட்டியே அறிந்து இங்கிலாந்தினர் முறியடித்ததின் வாயிலா இரண்டாம் உலகப்போர் 2 ஆண்டுகளுக்கு முன்பே முற்று பெற்று 2 கோடி உயிரிழப்புகள் தடுக்கப்பட்டது.
டூரிங் சோதனை (Turing Test)
தனது பாம்பே இயந்திரம் (Bombe Machine) வெற்றி பெற்ற பிறகு அலன் டூரிங் தொடர் ஆராய்ச்சிகளில் ஈடுபட்டதன் விளைவாக 1950 இல் கணினி இயந்திரம் மற்றும் நுண்ணறிவு (Computing Machinery and Intelligence) என்னும் தலைப்பில் புதியதோரு ஆராய்ச்சியை மனம் இதழில் (Mind Journal) சமர்ப்பித்தார். கணினியால் சிந்திக்க முடியுமா? என்ற இவ்வாராய்ச்சியின் முக்கிய சாராம்சமாக டூரிங் சோதனை அமைந்தது.
இயந்திரம் மனிதனுடன் உரையாடி ''நாம் மனிதனுடன் தான் பேசிக் கொண்டிருக்கிறோம்'' என அவரை நம்ப வைக்க வேண்டும். அப்படி அந்த நபர் நாம் மனிதனுடன்தான் உரையாடிக்கொண்டிருக்கிறோம் என நம்பினால் அந்த இயந்திரம் டூரிங் சோதனையை வென்றது மாறாக நாம் இயந்திரத்துடன் உரையாடுகிறோம் என மனிதன் கண்டறிந்துவிட்டால் அந்த இயந்திரம் டூரிங் சோதனையில் தோல்வியடைந்ததாகப் பொருள்படும்.
செயற்கை நுண்ணறிவு (Artificial Intelligence)
அலன் டூரிங் வடிவமைத்த கணினி கோட்பாடுகளை அடிப்படையாக கொண்டு செயற்கை நுண்ணறிவு ஆராய்ச்சிக்கு வித்திட்டவர் ஜோன் மெக்கார்த்தி (John McGrathy). சுருங்கச்சொன்னால் இன்றைய இயந்திர வழி கற்றலுக்கு (Machine Learning) முன்னோடி டூரிங் சோதனை (Turing Test).
நீதிமன்ற தண்டனை (Court Sentences)
1952 அன்று ஓரினச்சேர்க்கை (Gay) வழக்கில் இங்கிலாந்து நீதிமன்றம் அலன் டூரிங்கை குற்றவாளி என தீர்ப்பளித்து சிறை (Prison) அல்லது மருத்துவ தகுதிகாண் (Probation) அடிப்படையில் வேதியியல் வார்ப்பு (Chemical Castration) சிகிச்சையை தேர்ந்தெடுக்க வாய்ப்பு வழங்கிய போது தனது ஆராய்ச்சிகளை தொடர ஏதுவாக இருக்கும் என்ற நோக்கத்தில் மருத்துவ தகுதிகாண் வாய்ப்பை தேர்ந்தெடுத்தார் ஆலன் டூரிங். ஆனால் மருத்துவ ரீதியாக மேற்கொண்ட தொடர் சிகிச்சை முறைகள் ஆலன் டூரிங் உடலின் ஹார்மோன்களை (Hormone) சிதைத்து விட்டது.
இறப்பு (Death)
7 ஜூன் 1954 அன்று தவறுதலாக சயனைடு விஷ புகையை உள்ளிழுத்ததால் (Accidental Cyanide Poison) இறந்தார் அல்லது இங்கிலாந்து அரசின் ரகசிய உளவு அமைப்பு கொலை செய்தது அல்லது மருத்துவ சிகிச்சை ஏற்படுத்திய மன உளைச்சலால் தற்கொலை செய்து கொண்டார் என்று அலன் டூரிங்கின் மரணம் குறித்த சதிவலைகள் இன்றும் அவிழாத முடிச்சுகளாக உள்ளது. எப்படி நோக்கினும் இறுதி காலத்தில் சமூகத்தில் மதிப்பற்று தனித்து விடப்பட்டார் அலன் டூரிங் என்பது கசப்பான உண்மையாகும்.
முடிவுரை (Conclusion)
# 1966 முதல் கணினி துறையின் நோபல் பரிசு என்று மெச்சப்படும் டூரிங் பரிசு (Turing Award) அலன் டூரிங் நினைவாக வழங்கப்பட்டு வருகிறது.
# 2013 அன்று லண்டன் ராயல் அமைப்பு அலன் டூரிங் ஓரினச்சேர்க்கை செயலுக்கு மன்னிப்பு வழங்கியது.
# 2014 அன்று வெளிவந்த The Imitation Game அலன் டூரிங் வாழ்க்கை வரலாறை தழுவிய வெற்றி திரைப்படமாகும்.
# இங்கிலாந்தில் ₤ 50 நோட்டுக்கு அலன் டூரிங் முகம் பொறிக்கப்பட்டு ஜூன் 2021 இல் புழக்கத்திற்கு வரவிருக்கிறது.
# LGBT உரிமைகளுக்கு ஐகான், செயற்கை நுண்ணறிவு ஆராய்ச்சிக்கு முன்னோடி அலன் டூரிங் என்றென்றும் போற்றத்தக்கவர்.
மக்கள் பணி ஆற்றும் சாதனையாளர்களை,
கொண்டாடினாலும் தீராது!
அழுதாலும் தீராது!
விவரணைகள் (Reference)
Alan Turing - Celebrating The Life Of A Genius
Alan Turing - Crash Course Computer Science
Alan Turing - Betrayed By The Country He Saved
Alan Turing's Bombe Machine
Apple Logo Story
Alan Turing Helped Win WW 2 And Was Thanked With Criminal Prosecution
The Imitation Game Movie
Modern Computers And Turing Test
வாசித்தமைக்கு நன்றி.
வணக்கம்.
