Chocks: விண்வெளியும் நாயும்

விண்வெளியும் நாயும்

சுருக்கம்

லைக்கா நாய்
ரஷ்ய விண்வெளி சாதனைகள்
பனிப்போர்
விவரணைகள்

லைக்கா நாய்

# விண்வெளிக்கு பயணம் மேற்கொண்ட முதல் உயிரினம் லைக்கா என்ற பெண் நாய் ஆகும்.

# 03-11-1957 அன்று உலகின் இரண்டாவது செயற்கை கோள் ஸ்புட்னிக் 2 மூலம் லைக்கா விண்வெளிக்கு பயணம் மேற்கொண்டது.

# பூமிக்கு மீண்டும் பத்திரமாக திரும்பும் வகையில் இச்செயற்கை கோள் வடிவமைக்கப்படவில்லை.

# 1957 இல் ஆக்சிஜன் பற்றாக்குறை காரணமாக சில மணி நேரத்திலே லைக்கா இறந்ததாக ரஷ்யா கூறியது.

# 2002 இல் விண்வெளியில் 4 நாட்கள் தங்கியிருந்த லைக்கா வெப்பம் தாங்காமல் இறந்தது என உண்மையை கூறியது ரஷ்யா.

# 11-04-2008 அன்று ரஷ்ய ராணுவ ஆய்வுக்கூடத்தில் லைக்காவுக்கு சிலை வைக்கப்பட்டது.

ரஷ்ய விண்வெளி சாதனைகள்

# 04-10-1957 அன்று ரஷ்யாவின் ஸ்பட்னிக் 1 (Sputnik 1) விண்கலம் விண்ணில் ஏவப்பட்ட முதல் செயற்கை கோள்.

# 03-11-1957 அன்று ரஷ்யாவின் ஸ்புட்னிக் 2 (Sputnik 2) விண்கலம் மூலம் விண்வெளிக்கு பயணம் செய்த முதல் உயிரினம் லைக்கா (Laika) நாய்.

# 07-10-1959 அன்று ரஷ்யாவின் லூனா 3 (Luna 3) விண்கலம் மூலம் இதற்கு முன்னர் பார்த்திடாத சந்திரனின் பகுதிகளைப் புகைப்படம் எடுத்தது.

# 12-04-1961 அன்று ரஷ்யாவின் வோஸ்டாக் 1 (Vostok 1) விண்கலம் மூலம் விண்வெளிக்கு பயணம் செய்த முதல் மனிதர் யூரி ககரின் (Yuri Gagarin).

# 16-06-1963 அன்று ரஷ்யாவின் வோஸ்டாக் 6 (Vostok 6) விண்கலம் மூலம் விண்வெளிக்கு பயணம் செய்த முதல் பெண்மணி வலண்டீனா தெரெசுக்கோவா (Valentina Tereshkova).

# 18-03-1965 அன்று ரஷ்யாவின் வஸ்ஹோத் 2 (Voskhod 2) விண்கலம் மூலம் விண்வெளியில் நடந்த முதல் மனிதர் அலெக்சேய் லியோனவ் (Alexei Leonov).

# 03-02-1966 அன்று ரஷ்யாவின் லூனா 9 (Luna 9) விண்கலம் முதன்முதலாக சந்திரனில் (Moon) தரையிறங்கியது.

# 15-12-1970 அன்று ரஷ்யாவின் வெனீரா 7 (Venera 7) விண்கலம் மூலம் முதன்முதலாக வேறு கோளில் (Venus) தரையிறங்கி அங்கிருந்து தகவல் (Transmit Data) பெறப்பட்டது.

# 19-04-1971 அன்று ரஷ்யாவின் சல்யூட் 1 (Salyut 1) உலகின் முதல் விண்வெளி நிலையம் தொடங்கப்பட்டது.

# 02-12-1971 அன்று ரஷ்யாவின் மார்ஸ் 3 (Mars 3) விண்கலம் முதன்முதலாக செவ்வாய் (Mars) கிரகத்தில் தரையிறங்கியது.

பனிப்போர்

# ராணுவம், தொழில்நுட்பம் மற்றும் விண்வெளி ஆராய்ச்சியிலும் வளர்ச்சியிலும் முன்னணி பெறுவது கம்யூனிச ரஷ்யாவா? முதலாளித்துவ அமெரிக்காவா? என்ற போட்டியில் ரஷ்யாவே 1970 ஆரம்பப்பகுதி வரை அனைத்திலும் கலக்கி கொண்டு இருந்தது.

# 29-07-1958 அன்று அமெரிக்க விண்வெளி ஆராய்ச்சிகளை துரிதப்படுத்த நாசா அமைப்பு தொடங்கப்பட்டது.

# அதன் தொடர்ச்சியாக 20-07-1969 அன்று அமெரிக்காவின் நாசா மேற்பார்வையில் அப்பல்லோ 11 விண்கலம் மூலம் சந்திரனில் காலடி எடுத்துவைத்த முதல் மனிதராக நீல் ஆம்ஸ்ட்ராங் பெருமை பெற்றார்.

# நாசா உருவான பிறகு 1960 பிற்பகுதியில் இருந்து உலக விண்வெளி இயக்கமே அமெரிக்க கைகளுக்குள் வந்தது.

முடிவுரை

# "விண் - கடல் போன்றவற்றில் ஆதிக்கம் செலுத்தும் நாடே நன்கு வளர முடியும்" என்று பொருள்படும் விதத்தில் புயலிலே ஒரு தோணி புத்தகத்தில் ஒரு இடத்தில் ஆசிரியர் சிங்காரம் சொல்லி இருப்பார். உண்மை தானே தோழர்களே!