சிறைத்தண்டனை - ஒரு விரிவான விளக்கம்
குறிப்புரை
இந்த கட்டுரை இந்திய குற்றவியல் வழக்குகளில் தண்டனை முறைகள் பற்றிய சுருக்கமான கண்ணோட்டத்தை வழங்குகிறது. இது உதாரணங்கள், முழுமையான விளக்கம் அல்லது சட்ட ஆலோசனை வழங்கும் நோக்கத்துடன் எழுதப்படவில்லை. சட்டவியல் என்பது பலவகையான விளக்கங்களுக்கும் மாற்றங்களுக்கும் உட்பட்டதாக இருப்பதால், வாசகர்கள் விரிவான புரிதலுக்காக கூடுதல் ஆதாரங்களை அணுகுமாறு பரிந்துரைக்கப்படுகிறது.
அத்தியாயம் 1: சிறைத்தண்டனை – ஒரு பொதுப் பார்வை
- முகவுரை
- தண்டனை விதிப்பதற்கான நோக்கம்
- FIR முதல் தீர்ப்பு வரை
- நீதிமன்றம்
- எந்த நீதிமன்றம் விசாரிக்கும்?
- தண்டனை வகைகள்
- தண்டனை அமல்படுத்தும் முறை
- தண்டனை காலம் கணக்கிடுவது
அத்தியாயம் 2: ஆயுள் தண்டனை (Life Imprisonment)
- அறிமுகம்
- தண்டனை குறைத்தல்
- நடைமுறைகள்
- பல ஆயுள் தண்டனைகள்
- தண்டனை கணக்கீட்டு நடைமுறை
அத்தியாயம் 3: தூக்கு தண்டனை (Capital Punishment)
- அறிமுகம்
- தண்டனை மாற்றுதல்
- நடைமுறைகள்
- முடிவுரை
- விவரணைகள்
அத்தியாயம் 1: சிறைத்தண்டனை – ஒரு பொதுப் பார்வை
முகவுரை
பெரும்பாலும் சமூக நெறிகளுடன் இணைந்திருக்கும் சட்டங்களை மீறி ஒருவர் குற்றம் செய்தால், நீதிமன்றம் அவருக்கு விதிக்கும் சட்டபூர்வமான தண்டனையே "சிறைத்தண்டனை" என்று அழைக்கப்படுகிறது. சிறைத்தண்டனை, குற்றவியல் வழக்குகளில் மட்டுமே வழங்கப்படும். இந்தக் கட்டுரையில், சிறைத்தண்டனை குறித்தும், குற்றவியல் வழக்குகளின் அடிப்படைகளையும் பரிசீலிப்போம்.
தண்டனை விதிப்பதற்கான நோக்கம்
திருத்தம் (Reformation): குற்றவாளி தவறுகளை உணர்ந்து சீர்பெற வேண்டும்.
தடுப்பு (Deterrence): குற்றவாளி எதிர்காலத்தில் குற்றம் செய்வதைத் தடுக்க வேண்டும்.
பாதுகாப்பு (Protection): குற்றவாளிகளிடம் இருந்து சமூகத்தை பாதுகாக்க வேண்டும்.
நியாயம் வழங்கல் (Retribution): பாதிக்கப்பட்டவர்களுக்கு நியாயம் கிடைக்கும் வகையில் குற்றவாளிக்கு தண்டனை வழங்க வேண்டும்.
FIR முதல் தீர்ப்பு வரை
ஒரு குற்றம் நிகழ்ந்தவுடன், அருகிலுள்ள காவல் நிலையத்தில் முதல் தகவல் அறிக்கை (First Information Report - FIR) பதிவு செய்யப்படுகிறது. பின்னர், காவல்துறையினர் விசாரணை மேற்கொண்டு குற்றப்பத்திரிகையை மாஜிஸ்திரேட் நீதிமன்றத்தில் தாக்கல் செய்கிறார்கள். அதன் பிறகே, சம்பந்தப்பட்ட விசாரணை நீதிமன்றத்திற்கு வழக்கு மாற்றப்படுகிறது. விசாரணையின் முடிவில், நீதிமன்றம் தீர்ப்பளிக்கிறது.
நீதிமன்றம்
நீதிமன்றங்கள் முன்சீப் நீதிமன்றம், மாஜிஸ்திரேட் நீதிமன்றம், சார்பு நீதிமன்றம், அமர்வு நீதிமன்றம், மாவட்ட நீதிமன்றம், உயர் நீதிமன்றம் மற்றும் உச்ச நீதிமன்றம் என வகைப்படுத்தப்படுகின்றன. ஒவ்வொரு நீதிமன்றமும் சிவில் மற்றும் குற்றவியல் வழக்குகளுக்காக தனித்தனி பிரிவுகள் மற்றும் உட்பிரிவுகளுடன் செயல்படுகிறது. அவை வழக்குகளை விசாரித்து, "தண்டனை, அபராதம் அல்லது விடுதலை" குறித்து முடிவு செய்து தீர்ப்பு அளிக்கின்றன. அதே நேரத்தில், "கட்டாய சமரசம்" நீதிமன்றத்தின் கடமையல்ல என்பதையும் கவனத்தில் கொள்ள வேண்டும்.
குற்றவியல் நீதிமன்றம்: IPC (Indian Penal Code) மற்றும் CrPC (Code of Criminal Procedure) ஆகியவற்றின் அடிப்படையில், சிறைத்தண்டனை வழங்கும் அதிகாரம் குற்றவியல் நீதிமன்றங்களுக்கே உண்டு. குற்றவியல் வழக்குகள் முதலில் மாஜிஸ்திரேட் நீதிமன்றத்தில் தொடங்குகின்றன; அதன்பின் அமர்வு நீதிமன்றம், உயர் நீதிமன்றம் மற்றும் உச்ச நீதிமன்றம் என மேல்முறையீடுகளை பொறுத்து வழக்கு நகரும்.
IPC: குற்றங்களை வரையறுக்கிறது. உதாரணமாக, கொலை (Section 302), கொள்ளை (Section 378), தாக்குதல் (Section 351), மோசடி (Section 420).
CrPC: குற்றவியல் வழக்குகளை எவ்வாறு நடத்த வேண்டும் என்பதை வரையறுக்கிறது.
சிவில் நீதிமன்றம்: CPC (Civil Procedure Code) அடிப்படையில், சொத்து, விவாகரத்து, இழப்பீடு, இடைநீக்கம், தடையுத்தரவு போன்ற சிவில் வழக்குகளுக்கு தீர்வு வழங்கும் அதிகாரம் சிவில் நீதிமன்றங்களுக்கே உண்டு. சிவில் வழக்குகள் முதலில் முன்சிப் நீதிமன்றத்தில் தொடங்குகின்றன; அதன்பின் சார்பு நீதிமன்றம், மாவட்ட நீதிமன்றம், உயர் நீதிமன்றம் மற்றும் உச்ச நீதிமன்றம் என மேல்முறையீடுகளை பொறுத்து வழக்கு நகரும்.
CPC: சிவில் வழக்குகளை எவ்வாறு நடத்த வேண்டும் என்பதை வரையறுக்கிறது.
நிர்வாகம்: மன்னிப்பு அல்லது தண்டனை மாற்றம் அரசின் ஆலோசனை வாரியத்தின் பரிந்துரையின் அடிப்படையில் நடைபெறுகிறது.
எந்த நீதிமன்றம் விசாரிக்கும்?
குற்றவியல் வழக்குகளில், குற்றப்பத்திரிகை முதலில் மாஜிஸ்திரேட் நீதிமன்றத்தில் தாக்கல் செய்யப்படுகிறது. பின்னர் குற்றத்தின் தன்மையைப் பொறுத்து, குற்றவியல் வழக்கை விசாரிக்கும் நீதிமன்றம் முடிவு செய்யப்படுகிறது.
1.சிறிய குற்றங்கள் (அதிகபட்சம் 3 ஆண்டு வரை)
மாஜிஸ்திரேட் நீதிமன்றம் (Judicial Magistrates Court)
2.நடுத்தர குற்றங்கள் (3 – 7 ஆண்டு வரை)
முதன்மை மாஜிஸ்திரேட் நீதிமன்றம் (Chief Judicial Magistrate Court)
3.கடுமையான குற்றங்கள் (7 - 10 ஆண்டு வரை)
உதவி அமர்வு நீதிமன்றம் (Assistant Sessions Court)
4.மிக கடுமையான குற்றங்கள் (10 ஆண்டு மற்றும் மேல் / ஆயுள் / தூக்கு)
(கூடுதல்) அமர்வு நீதிமன்றம் (Additional Sessions Court / Sessions Court)
தண்டனை வகைகள்
- சாதாரண தண்டனை (Simple Imprisonment)
- கடுமையான தண்டனை (Rigorous Imprisonment)
- ஆயுள் தண்டனை (Life Imprisonment)
- தூக்கு தண்டனை (Capital Punishment)
மன்னிப்பு வழங்க முடியாத தண்டனைகள்: 1980 க்குப் பிறகு அறிமுகமானவை.
மாற்றும் வாய்ப்புள்ள தண்டனைகள்: நல்ல நடத்தை அடிப்படையில் தண்டனை குறைக்கப்படலாம்.
தண்டனை அமல்படுத்தும் முறை
அடுத்தடுத்து (Consecutive): ஒரு தண்டனை முடிந்த பின் மற்றொன்று தொடங்கும்.
உதாரணம்: 5 ஆண்டு + 3 ஆண்டு என அடுத்தடுத்து தண்டனை விதிக்கப்பட்டால், மொத்தம் 8 ஆண்டு தண்டனை.
ஒரே நேரத்தில் (Concurrent): எல்லா தண்டனைகளும் ஒரே நேரத்தில் அமலாகும்.
உதாரணம்: 5 ஆண்டு மற்றும் 3 ஆண்டு என ஒரே நேரத்தில் தண்டனை விதிக்கப்பட்டால், அதிக காலமான 5 ஆண்டுகள் மட்டுமே எடுத்துக் கொள்ளப்படும்.
தண்டனை காலம் கணக்கிடுவது
நீதிமன்ற தண்டனை நாள்கள், பரோல் நாட்கள், சிறைப் பணிகள் மற்றும் நல்ல நடத்தையின் அடிப்படையில் தண்டனை குறைப்பு ஆகியவற்றைக் கணக்கிட்டு சிறை கண்காணிப்பாளர் விடுதலையை பரிந்துரை செய்கிறார்.
குறிப்பு = பரோல் என்பது குற்றவாளி சில காலம் சிறையில் தண்டனை அனுபவித்த பிறகு, சிறைத்துறையின் அனுமதியுடன் சில நிபந்தனைகளோடு தற்காலிகமாக விடுவிக்கப்படுவதை குறிக்கும். ஜாமீன் என்பது விசாரணை நடைபெறும் போது, குற்றச்சாட்டுக்குள்ள நபரை நிபந்தனைகளோடு தற்காலிகமாக விடுவிக்கப்படுவதை குறிக்கும்.
அத்தியாயம் 2: ஆயுள் தண்டனை (Life Imprisonment)
அறிமுகம்
ஆயுள் தண்டனை என்பது ஒரு குற்றவாளி தனது முழு வாழ்நாளும் சிறையில் இருக்க வேண்டிய தண்டனை ஆகும். ஆனால் சில நேரங்களில், இது ஒரு குறிப்பிட்ட காலத்துக்குள் மாற்றப்படலாம்.
தண்டனை குறைத்தல்
நல்ல நடத்தை, சிறைப் பணிகள், ஆலோசனை வாரியத்தின் பரிந்துரை ஆகியவை முக்கிய பங்காற்றுகின்றன.
IPC பிரிவு 55: மாநில அரசு, கைதியின் ஒப்புதல் இல்லாமலும் 14 ஆண்டுகளுக்குள் தண்டனை குறைக்கலாம்.
Remission: சிறை தண்டனையின் காலக்கெடுவை குறைப்பதாகும்.
உதாரணம்: 10 ஆண்டுகள் சிறையில் இருந்த ஒருவருக்கு 2 ஆண்டுகள் குறைக்கப்படும்.
Commutation: தண்டனையின் தீவிரத்தை முழுமையாக அல்லது பகுதியளவில் குறைப்பதாகும்.
உதாரணம்: மரண தண்டனையை ஆயுள் தண்டனையாக மாற்றுவது.
நடைமுறைகள்
கடந்த காலங்களில், உயர் நீதிமன்றங்கள் 14, 20, 20+ ஆண்டுகள் என பல்வேறு கால வரம்புகளை பரிந்துரைத்தாலும், தற்போது “முழு வாழ்நாள்” சிறைவாசம் என்பதே நடைமுறை.
பல ஆயுள் தண்டனைகள்
ஒரே வழக்கில் பல ஆயுள் தண்டனை வழங்கப்பட்டாலும், அவை பொதுவாக ஒரே நேரத்தில் அமலாகின்றன. ஏனெனில், மனிதனுக்கு ஒரே ஒரு வாழ்நாள் மட்டுமே உண்டு.
தண்டனை கணக்கீட்டு நடைமுறை
ஆலோசனை வாரியம்: ஆயுள் தண்டனையை கால வரம்புக்குள் மாற்ற பரிந்துரை செய்கிறது.
சிறை கண்காணிப்பாளர்: தண்டனை நாள்கள் கணக்கிடுகிறார்.
அரசு: உத்தரவு மூலம் விடுவிப்பு வழங்குகிறது.
ஆளுநர்: அரசு பரிந்துரை செய்கிறது; ஆளுநர் அதைப் பொருட்படுத்தி முடிவெடுக்கிறார்.
அத்தியாயம் 3: தூக்கு தண்டனை (Capital Punishment)
அறிமுகம்
தூக்கு தண்டனை என்பது மிகக் கடுமையான தண்டனை. இந்தியாவில் இது மிகவும் குறைவாகவே வழங்கப்படுகிறது மற்றும் இறுதி வழியாகவே பயன்படுத்தப்படுகிறது.
நடைமுறைகள்
தண்டனை மாற்றம்: ஆளுநர்/ஜனாதிபதி தூக்கு தண்டனையை ஆயுள் தண்டனையாக மாற்றுகிறார்கள்.
ஆலோசனை வாரியம்: ஆயுள் தண்டனையை கால வரம்புக்குள் மாற்ற பரிந்துரை செய்கிறது.
சிறை கண்காணிப்பாளர்: தண்டனை நாள்கள் கணக்கிடுகிறார்.
அரசு: உத்தரவு மூலம் விடுவிப்பு வழங்குகிறது.
ஆளுநர்: அரசு பரிந்துரை செய்கிறது; ஆளுநர் அதைப் பொருட்படுத்தி முடிவெடுக்கிறார்.
தண்டனை மாற்றுதல்
தூக்கு தண்டனையை ஆயுள் தண்டனையாக மாற்றும் அதிகாரம்:
Article 72: குடியரசுத் தலைவர்
Article 161: மாநில ஆளுநர்
முக்கிய வழக்கு: ராஜீவ் காந்தி கொலை வழக்கு
2014: தூக்கு தண்டனையை ஆயுள் தண்டனையாக உச்சநீதிமன்றம் மாற்றியது.
2021: எழுவர் விடுதலைக்கு அதிமுக அரசு எந்த நடவடிக்கையும் எடுக்கவில்லை. திமுக அரசு பதவியேற்ற பிறகு எழுவர் விடுதலைக்கு ஆலோசனை வாரியம் பரிந்துரை செய்தது.
2022: எழுவர் சிறையில் இருந்து விடுவிக்கப்பட வேண்டும் என்ற அரசின் பரிந்துரைக்கு ஆளுநர் நடவடிக்கை எடுக்காத நிலையில், உச்சநீதிமன்றம் கைதிகளை விடுவித்தது.
முடிவுரை
சிறைத்தண்டனை என்பது, குற்றவாளிக்கு தண்டனை வழங்கும் நடவடிக்கையாக இருந்தாலும், அது அவரை திருத்தும் ஒரு வாய்ப்பாகவும் அமைகிறது. நீதிமன்றமும், நிர்வாகமும் இணைந்து செயல்படுவதால், மனித உரிமைகளுக்கும் சட்டத்திற்கும் இடையே ஒரு சமநிலை உருவாகிறது.
விவரணைகள்
Article 72 - Power of President
Article 161 - Power of Governor
Section 428 in the CrPC, 1973
Section 55 in the IPC, 1860
Section 57 in the IPC, 1860
Section 57 in the CrPC, 1973
Section 510 in the IPC, 1860
Few Other References
வாசித்தமைக்கு நன்றி.
வணக்கம்.
No comments:
Post a Comment